Ein avtale kan heilt eller delvis setjast til side dersom det er urimeleg å gjere avtalen gjeldande overfor den eine parten eller han på annan måte kan reknast som ugyldig.
Døme på urimeleg/ugyldig avtale kan vere:
- Du er blitt utsett for sterkt press i samband med salsmøte/kontraktsinngåinga.
- Innhaldet i kontrakten og omstenda rundt kontraktsinngåinga ber preg av at
du har blitt utsett for forsøk på svindel/bedrageri.
- Innhaldet i kontrakten stiller deg som kjøpar så svakt i forhold til motparten at styrkeforholdet blir skeivt.
Dersom du på salsmøte har fått opplysningar om at det er ein angrefrist, bør du vise til angrefristen og til at avtalen er ugyldig. Det bør du gjere sjølv om retten til å angre seg ikkje er teken med eller nemnd i kontrakten.
Sjølv om du har kravd å få annullere kontrakten, må du vere førebudd på å få opptil fleire påminningar om betaling, trussel om inkasso, trussel om søksmål og liknande.
Slik Forbrukarrådet ser det, er sjansen for å bli saksøkt liten. Det er likevel viktig at du sender ei klage på kravet. Det kan vere nyttig ved ei eventuell vidare behandling av saka.
Har du inngått ein avtale med ein ferieklubb og betalt med kredittkort, kan du komme med dei same innvendingane mot kortselskapet som mot seljaren.
I tillegg til at du reklamerer overfor seljaren, må du melde frå til kortselskapet så snart som råd er.
Eit krav kan ikkje vere større enn det beløpet kortselskapet har motteke av deg i samband med kjøpet.
I utgangspunktet gjeld desse føresegnene berre dersom du har brukt kredittdelen på kortet ditt, men du kan òg ha dei same rettane dersom debetdelen er nytta. Nokre kortselskap har ein praksis / avtalevilkår som gir deg tilnærma same rettane sjølv om du ikkje har betalt på kreditt.
NB!
Dette brevet kan du sende anten til banken din eller direkte til kortselskapet.
Det er ein føresetnad at det er sendt eit rekommandert krav til motparten. Kopi av dette brevet og kopi av kvittering for rekommandert sending skal leggjast ved brevet. I tillegg må du leggje ved kopi av kvittering for alle innbetalte beløp.
Dersom du ikkje når fram med kravet ditt, kan du sende saka over til bankklagenemnda.
Har du inngått ein avtale med ein ferieklubb og betalt med kredittkort, kan du komme med dei same innvendingane mot kredittytaren som mot seljaren.
Kredittkjøpslova gjeld i slike tilfelle berre dersom du har brukt kredittdelen på kortet, eller dersom kortet du har betalt med, er eit reint kredittkort. Med andre ord - dersom det er eit kredittkjøp.
I tillegg til at du reklamerer overfor seljaren, må du melde frå til kredittytaren så snart som råd er.
Eit krav kan ikkje vere større enn det beløpet kortselskapet har motteke av deg i samband med kjøpet.
NB!
Dette brevet kan du sende anten til banken din eller direkte til kortselskapet.
Det er ein føresetnad at det er sendt eit rekommandert krav til motparten. Kopi av dette brevet og kopi av kvittering for rekommandert sending skal leggjast ved brevet. I tillegg må du leggje ved kopi av kvittering for alle innbetalte beløp.
Dersom du ikkje når fram med kravet ditt, kan du sende saka over til bankklagenemnda.
Nyhetsbrev og syndikerte nyheter (RSS og ATOM) 