Klageveileder:

Ved kansellering/innstilling har passasjerane desse rettane:
- anten refusjon av billettprisen
- eller omruting til neste ledige avgang (eventuelt eit tidspunkt etter eige ønske)

Dersom kanselleringa fører til ei forseinking på to timar, har passasjerane rett på
- mat og drikke i rimeleg forhold til ventetida
- hotellinnkvartering der det er nødvendig med éi eller fleire ekstra overnattingar
- transport til og frå innkvarteringsstaden og flyplassen
- dekning av utgifter til to telefonsamtalar, telefaks- eller e-postmeldingar

Dersom flyselskapet har kontroll på kanselleringa:
- 250 euro for flygingar inntil 1500 km
- 400 euro for flygingar på mellom 1500 og 3500 km og alle flygingar innanfor EØS-området som er lengre enn 1500 km
- 600 euro for andre flygingar

Standardkompensasjonen blir halvert ved forseinking på mindre enn
- to timar for reiser over 1500 km
- tre timar for flygingar mellom 1500 km og 3500 km og alle flygingar innanfor EØS-området som er lengre enn 1500 km
- fire timar for andre flygingar

Retten til standardkompensasjonen fell bort dersom:
1. Kanselleringa skriv seg frå ekstraordinære forhold som flyselskapet ikkje hadde reelle høve til å hindre. Døme på slike forhold er dårleg vêrforhold, streik blant flyplasspersonale og uføresette tryggingstiltak.
2. Passasjeren har blitt informert om kanselleringa tidlegare enn 14 dagar før avreise.
3. Når reisande har fått beskjed om innstillinga mellom 7 og 14 dagar før avreise, kan ein berre krevje slik kompensasjon viss ikkje flyselskapet tilbyr omruting der avreisetidspunktet blir skyvd fram med maks to timar og ein ikkje kjem fram dit ein skal, meir enn fem timar forseinka.
4. Blir det opplyst om kanselleringa kortare tid enn sju dagar før avreise, må omrutinga ikkje skyve fram avreisetidspunktet med meir enn éin time eller føre til at ein kjem fram meir enn to timar seinare enn ein skulle.

Økonomisk tap på opptil ca. kr 41 000,- kan krevjast erstatta utover standardkompensasjonen med heimel i luftfartslova (innanlandsreiser) eller Montrealkonvensjonen/Warszawakonvensjonen (utanlandsreiser). Økonomiske tap kan òg krevjast erstatta i forhold til alminnelege erstatningsrettslege reglar. Økonomisk tap må dokumenterast.

Klageordning

Send inn skriftleg klage med nødvendig dokumentasjon til flyselskapet/reiseoperatøren innan rimeleg tid. Vi tilrår at klaga blir retta til tenesteyter så snart som mogeleg etter at hendinga oppstod.

Du kan klage til transportklagenemnda dersom du og flyselskapet eller flyplassen, eventuelt reisebyrået, ikkje blir einige om kva rettar du har ved forseinkingar, kanselleringar, overbookingar, bortkome/skadt bagasje og andre forhold som direkte knyter seg til gjennomføringa av flyreisa frå du møter på flyplassen til du har henta bagasjen.

Refusjon av billettpengane Standardkompensasjon Krav om erstatning på grunn av kansellering Standardkompensasjon og erstatning for ekstrautgifter Refusjon av billettpengane, standardkompensasjon og erstatning for ekstrautgifter

Tips til veileder Klikk på sirkelen bak enkelte valg for å lese tips om dette valget.

Fann du ikkje det du vil klage på?

KONTAKT FORBRUKARRÅDET

Dersom ikkje klagerettleiaren gir ei løysing på problemet ditt, kan du også ta kontakt med Forbrukarrådet på tlf.: 03737

Har du spørsmål/kommentarar til tenesten? MELD FRÅ HER