Klageveileder: Rekninga er større enn prisoverslaget

• Prisen skal inkludere meirverdiavgift og andre offentlege avgifter når ikkje anna er sagt.
• Handverkaren kan ikkje krevje bestillingsgebyr, ordregebyr, ekspedisjonsgebyr, faktureringsgebyr e.l. i tillegg til det sjølve tenesta kostar.
• Ei førebuande undersøking skal berre betalast dersom ho er avtalt på førehand.
• Du kan bli nøydd til å betale for ekstra materiale og arbeid som skuldast forhold på di side.
• Er rekninga for høg, bør du protestere skriftleg på det overskytande beløpet. I brevet opplyser du om prisoverslaget og forklarer at du ikkje er villig til å betale meir enn det som er avtalt.
• Krev ei skriftleg tilbakemelding for å få handverkaren til å innrømme at prisoverslaget er gitt.
• Dersom du betaler det du skal, og protesterer på resten, oppnår du at saka ikkje kan gå til inkasso. I samsvar med inkassolova er det brot på god inkassoskikk å drive inn eit omstridt krav gjennom inkasso.

Tilleggsarbeid

Blir det behov for tilleggsarbeid undervegs, skal handverkaren kontakte deg. Viss du ikkje er å treffe, kan handverkaren likevel utføre tilleggsarbeida dersom det er rimeleg å tru at du vil ha arbeidet gjort. Ein annan grunn kan vere at prisen for tilleggsarbeidet er minimal eller låg i forhold til prisen for heile tenesta. Handverkaren skal utføre tilleggsarbeid som ikkje kan utsetjast utan at det fører til vesentleg skade eller tap for deg.

Vi hjelper deg med å skrive brev til motparten din. Klage på avvik mellom prisoverslag og motteken rekning Klage på avvik mellom prisoverslag og motteken rekning, meirverdiavgift er lagd inn i tillegg

Fann du ikkje det du vil klage på?

KONTAKT FORBRUKARRÅDET

Dersom ikkje klagerettleiaren gir ei løysing på problemet ditt, kan du også ta kontakt med Forbrukarrådet på tlf.: 03737

Har du spørsmål/kommentarar til tenesten? MELD FRÅ HER