Klageveileder: Klage på bankteneste

Hjelp til veileder

1. Disponering av konto Dersom andre enn deg skal bruke bankkontoen din, må vedkommande ha fått fullmakt frå deg. Ein umyndig person kan ikkje disponere ein konto dersom han ikkje er oppretta med løyve frå dei føresette.

   Midlane til ein umyndig person som berre kan disponerast av verje eller overformynderi, skal ikkje setjast inn på konto som den umyndige har rett til å disponere på eiga hand.

2. Avvising av kundar Finansinstitusjonen kan ikkje utan sakleg grunn avslå å ta imot innskot eller utføre betalingsoppdrag på vanlege vilkår. Dersom institusjonen avviser deg som kunde, skal du orienterast om avslaget utan ugrunna opphald. Meldinga om avslag skal innehalde opplysningar om at saka kan bringast inn for bankklagenemnda.

3. Opplysningsplikt Banken pliktar å rettleie deg som kunde i valet mellom ulike typar innskotskonti. Før avtale blir inngått, skal banken mellom anna opplyse deg skriftleg om rente, totale kostnader ved etablering, bruk og avvikling av kontoen og gjeldande reglar og klagerett. Utan omsyn til kva som står i kontoavtalen, kan du heve / seie opp avtalen dersom det frå banken si side ligg føre vesentleg brot på opplysningsplikta eller kontoavtalen. I desse tilfella har du krav på å sleppe å betale kostnader i samband med kontoavviklinga.

4. Endring av kontoavtalen Banken kan ikkje einsidig endre avtalevilkår slik at dei blir til skade for deg, med unntak av å

   1. setje ned rentesatsen

   2. auke gebyra for å bruke kontoen

   Banken kan utan at det er teke atterhald i kontoavtalen, auke satsane for overtrekksrente og purregebyr ved urettmessig overtrekk. Endring av vilkåra i kontoavtalen som er til skade for kontohavaren, kan tidlegast setjast i verk to veker etter at institusjonen har sendt skriftleg varsel til kontohavaren om endringa.

5. Endring av kontoavtalen Banken kan ikkje einsidig endre avtalevilkår slik at dei blir til skade for deg, med unntak av å

   1. setje ned rentesatsen

   2. auke gebyra for å bruke kontoen

   Banken kan utan at det er teke atterhald i kontoavtalen, auke satsane for overtrekksrente og purregebyr ved urettmessig overtrekk. Endring av vilkåra i kontoavtalen som er til skade for kontohavaren, kan tidlegast setjast i verk to veker etter at institusjonen har sendt skriftleg varsel til kontohavaren om endringa.

6. Du har alltid rett til å seie opp kontoforholdet ditt med banken mot å betale kostnadene banken har med dette, slik det går fram av kontoavtalen. Dersom du får beskjed frå banken om ikkje uvesentlege endringar i renter og/eller gebyr knytte til kontoen, har du rett til å heve kontoforholdet kostnadsfritt dersom du gir skriftleg melding innan fire veker etter at varselet blei sendt.