Byggmeistrar

Spørsmål:

Kvar kan ein klage på byggmeistrar som ikkje gjer jobben sin? Vil klagene bli registrerte nokre plassar slik at når ein leiter i eit register så finn ein "belastningsprikkar" på desse?

Svar:

Forbrukarrådet har ikkje noko register, men vi deltek i Bustadtvistnemnda. Bustadtvistnemnda behandlar klager som gjeld kjøp og oppføring av nye bustader. Bustadtvistnemnda behandlar klager på kjøp av ny bustad, medrekna byggjesett, med eller utan fast eigedom, samt avtalar om oppføring av bustad og arbeid som blir oppførd direkte som eit ledd i slik oppføring. Med bustadhus meines også fritidshus, eigarseksjon og tilbygg som blir utførde i direkte tilknyting til avtale om oppføring av ny bustad. Bustadtvistnemnda behandlar berre tvistar mellom forbrukar og medlem av Boligprodusentenes Foreining, Entreprenørforeininga - Bygg og Anlegg og Noreg sin Byggmeistarforbund. Formålet med avtalen gjeld bustad hovudsakleg til personleg bruk for forbrukaren. Bustadtvistnemnda behandlar ikkje saker som heilt eller delvis er bringa inn for eller avgjort av ein domstol. Saksbehandlinga i nemnda er i hovudsak skriftleg.

Klage til Bustadtvistnemnda Før ein klager saker inn til Bustadtvistnemnda kan forbrukarane ta kontakt med Forbrukarrådet i fylket sitt for rettleiing. Bransjemedlemer kontaktar organisasjonen sin. For at Bustadtvistnemnda skal ta opp ein tvist til behandling, må forbrukaren fyrst ha reklamert skriftleg til entreprenørbedrifta. Entreprenørbedrifta skal ha hatt tid til å ta standpunkt til reklamasjonen, utan at tvisten er løyst minneleg. Dersom minneleg ordning ikkje blir oppnådd kan kvar av partane bringe tvisten inn for Bustadtvistnemnda. Dette betyr at både ein forbrukar og ein entreprenør kan klage til Bustadtvistnemnda. Nemndsbehandling i Bustadtvistnemnda kostar kr 860,- + mva. Det skal fyllast ut eit skjema som du får ved melding til entreprenørbedrifta, Forbrukarrådet eller Bustadtvistnemndas sekretariat.