Sko - søm har rakna

Spørsmål:

Eg kjøpte meg nye og dyre skolettar på januarsalet. Etter bruk første dag viste det seg at saumen rakna på den eine skoen. Eg gjekk til butikken for å få utlevert nye, men den gang ei. Seljar avviste kravet sidan skolettane var kjøpt på sal. I staden sende han meg til skomakar for reparasjon. Han ville betale rekninga. Må eg gå med på dette sidan skolettane såvidt er brukt?

Svar:

Etter kjøpslova har seljar rett til å reparere ny vare med feil på. Om skolettane er kjøpt på sal svekkar ikkje rettane dine ved reklamasjonar.

Det er imidlertid ein føresetnad at reparasjonen vert utført rimeleg raskt og på ein varig og pen måte. Skulle utsjånaden bli redusert etter reparasjonen, kan prisavslag kome på tale. Vi kan elles nemne at det er seljar som pliktar og levere skolettane til reparasjon.