Bruktbilkjøp mellom private - reklamasjonsfrist

Spørsmål:

For vel 2 år sidan kjøpte eg ein brukt bil frå ein privatperson. For kort tid sidan havarerte motoren, og eg tok kontakt med seljar. Han avviste ansvar i saka og hevda attpå til at reklamasjonen var sett fram for seint. Kan dette vere rett? Er ikkje reklamasjonsfristen 5 år?

Svar:

Reklamasjonsfristen på 5 år gjeld ikkje ved kjøp mellom privatpersonar. Her vil reklamasjonsfristen vere inntil 2 år. Dette betyr at du har reklamert for seint. Det er heller ikkje nokon automatikk i at seljar ville ha vore ansvarlig for motorhavariet, sjølv om du reklamerte innan 2-årsfristen. Du måtte i så fall kunne bevise at motorhavariet skjedde på grunn av feil som kunne førast tilbake til kjøpstidspunktet.

Ver merksam på at dersom det er mindre enn 5 år sidan bilen vart seld av ein yrkesseljar kan du som hovudregel rette reklamasjonen mot denne yrkesseljaren.