Oslo Forsikring lover å følgje bransjenorma

Hører til forsikring

Oslo Forsikring lover å følgje klagenemndene sine vedtak og eigen bransjenorma. - Ein seier for klagenemndene og Oslo kommune sine tilsett, seier Forbrukerrådet.

Øyvind Herseth Kaldestad Kommunikasjonsrådgiver forbrukerpolitikk, 03.04.2008 15:03

Forbrukarrådet gjekk nyleg ut og kritiserte Oslo Forsikring, som er Oslo kommune sitt forsikringsselskap, og som står for dei tilsetje sine skade- og gruppelivsforsikringar. Selskapet nekta å føye seg etter Forsikringsklagenemndas vedtak og eiga bransjenorm, noko som medførte at forsikra ikkje fekk oppgjeret nemnda meinte dei hadde krav på.

- Det er svært gledeleg at Oslo Forsikring snur i denne saka. Dette gir dei tilsette betre vern ved ein eventuell tvist med forsikringsselskapet, seier seniorrådgivar Terje Sørensen i Forbrukerrådet.

Det gode selskapet

Det er ein grunnleggjande føresetnad for klagenemndene at begge partar i hovudsak respekterer og følgjer avgjerda til nemnda.

- Det er bra selskapet no tre inn i det gode selskapet blant seriøse forsikringsselskap. Dette er med å støtte klagesystemet, som bransjen sjølv har vore med å byggje opp, Terje Sørensen.

Selskap som er ueinig i avgjerda til nemnda pliktar dei etter bransjenorma å dekkje utgiftene for motparten, dersom dei ønskjer å ta saka vidare i rettsystemet.

Minneleg løysing

I den konkrete saka som låg bak Forbrukerrådets kritikk, lover Oslo Forsikring å ta kontakt med skadelidne for å kome fram til ei minneleg ordning.

- Vi reknar med at forsikringsselskapet tek omsyn til lovnaden om å følgje bransjenorma i den vidare behandling av denne konkrete saka, seier Terje Sørensen.

I all hovudsak er ikkje Forbrukerrådet interessert i minnelege løysingar i etterkant av nemndsbehandlinga. Det har tidlegare vist seg at selskap har nytta seg av den overlegne forhandlingssituasjonen sin til å presse fram løysingar som er rikeleg dårlegare enn det nemnda har vedteke.

- Vi er svært glade for at selskapet no tre inn i det gode selskapet blant seriøse, norske forsikringsselskap, seier Terje Sørensen. (Foto: Terje Bendiksby)