Garanterte spareprodukt: Krev at bankane blir granska

Hører til bank og investering

Forbrukarombodet og Forbrukarrådet krev i eit brev til finansministeren offentleg gransking av bankane sine sal av garanterte spareprodukt.

John E. Andersson Kommunikasjonsrådgiver forbrukerpolitikk, 10.07.2007 13:50

Eitt av spørsmåla som må stillast er om det er selt lånefinansierte produkt bankane har måtte rekna med ikkje kunne gå i pluss:

Ei uavhengig gransking må gi svar på spørsmålet om "hvordan norske banker og finansinstitusjoner kan ha utviklet, markedsført og solgt et slikt produkt, anbefalt lånefinansiering og tatt seg godt betalt i form av gebyrer, når de har sittet på beregninger som viser at sannsynligheten for at forbrukerne skal komme ut i pluss i en del prospekter er svært liten”, heiter det bl.a. i brevet til finansminister Kristin Halvorsen.

- Alarmerande

I brevet heiter det også: "Det er alarmerende at banker og andre finansinstitusjoner i stor skala har solgt spareprodukter der sjansen for å få positiv avkastning er liten, og at andelen av lånefinansiering er så betydelig som den er"

I brevet blir det vist til bladet ”Dine Penger” som lenge har kritisert salet av garanterte spareprodukt. Det er særleg lånefinansiering av desse produkta som er blitt sterkt kritisert, fordi ein kan forvente at garanterte spareprodukt gir lågare avkastning enn lånerenta.

- Øydeleggjande for tilliten

I brevet til finansministeren seier Forbrukarombodet og Forbrukarrådet at dei er "alvorlig bekymret for det bankhåndverk som har vært utført gjennom mange år og at dette er ødeleggende for den tilliten folk flest har til norsk finansnæring."

Ulovleg marknadsføring

Forbrukarombodet har tidlegare behandla saker om garanterte spareprodukt og stempla marknadsføringa som ulovleg.

Forbrukarombodet har også stilt spørsmålsteikn ved om ein i det heile kan kalle slike produkt for «spareprodukt» når sjansen for negativ avkastning tilsynelatande langt overstig sjansen for positiv avkastning.

Det ligg ei rekkje saker om såkalla garanterte spreieprodukt i Bankklagenemnda. Bankklagenemnda har til no ikkje vore villig til å vurdere sakene.

Ubehagelege spørsmål

Blant spørsmåla som må stillast er:

• korleis blei produkta utvikla?
• i kva situasjonar har slike produkt vore selt?
• korleis har den interne opplæringa av seljarane vore?
• er seljarane sine provisjonssystem gira slik at strukturerte produkt har blitt selt i staden for andre spareprodukt?
• er det selt lånefinansierte produkt bankane har måtte rekna med ikkje kunne gå i pluss?

- Utvalet må også kome med ei tilråding/tiltaksliste for å forhindre at slikt skjer igjen, skriv Forbrukarombodet og Forbrukarrådet i brevet til finansministeren.

Forbrukarrådet og Forbrukarombodet meiner saka må granskast av eit uavhengig utval.

Forbrukarrådet og Forbrukarombodet synes det er alarmerande at banker og andre finansinstitusjonar i stor skala har selt spareprodukt der sjansen for å få positiv avkastning er liten, og at delen av lånefinansiering er så betydelig som den er. (Foto: )