Nordfjord Kjøtt venta godt og vel eit døgn før forbrukarane fekk vite at salmonella-infisert kjøtdeig låg i butikkane.
- Det er både uhaldbart og heilt unødvendig at folk skal risikere å bli sjuke av maten dei et når matprodusenten har mistanke om at maten inneheld smittefarlege bakteriar, seier direktør i Forbrukarrådet Erik Lund-Isaksen.
Måndag 2. juli gjennomførte Nordfjord Kjøtt ein ferdigkontroll av kjøtdeig som viste spor av salmonella. Fyrst onsdag 4. juli blei forbrukarane informerte om at kjøtdeigen var salmonella-infisert.
”Risikoen for at ein slik positiv prøve kan vere falsk, er alltid til stades. Så det måtte vi få sjekke ut”, sa kontorsjef Einar Aabrekk i Nordfjord Kjøtt, ifølgje Nationen 6. juli.
Dette er feil bruk av ordet risiko, meiner Forbrukarrådet. - Etter vurderinga vår er det risikoen for at folk kan bli sjuke av maten dei et som bør tilleggas mest vekt i slike situasjonar, ikkje risikoen for at ein ”positiv prøve kan vere falsk”, seier Lund-Isaksen.
- Vi har no sendt eit brev til Mattilsynet, der vi ber tilsynet om å gjennomgå rutinar og sikre at ”føre-var”-prinsippet blir teke i bruk når det gjeld mattryggleiken her i landet, seier Forbrukarrådets direktør.
- Etter vurderinga vår er det risikoen for at folk kan bli sjuke av maten dei et som bør tilleggas mest vekt i slike situasjonar, ikkje risikoen for at ein ”positiv prøve kan vere falsk”, seier direktør i Forbrukarrådet Erik Lund-Isaksen. (Foto: Scanpix)
© forbrukerportalen.no Har du kommentarer til nettstedet, send e-post til webredaksjonen.
Ansvarlig redaktører for innholdet på forbrukerportalen er Julie Bianca Dahl og Jarle Oppedal.
Nyhetsbrev og syndikerte nyheter (RSS og ATOM)
